Tatariston muftiysi Komil Samigullin Qur’onning Rossiyadagi birinchi to‘liq audioversiyasini yozib oldi, deya xabar bermoqda “TASS” respublika Musulmonlar diniy idorasiga tayanib.
“Bugungi kunda bu muqaddas kitobning to‘liq matnini o‘z ichiga olgan va rossiyalik birinchi hofiz muftiy tomonidan o‘qilgan yagona audio-Qur’ondir”, — deyiladi matbuot xizmati xabarida.
Ovoz yozish jarayoni Qur’on hofizlarini tayyorlash bo‘yicha jahon tashkiloti vakili shayx Hasan Hodiy rahbarligida olib borilgan. Har bitta audiofayl yozib bo‘lingach, puxtalik bilan tekshirilgan.
Ikkita diskka joylangan audio shaklidagi Qur’on yil oxirigacha savdoga chiqishi kutilmoqda.
Izoh (0)