Suriya armiyasi jangchilari va ko‘ngillilar otryadlari 3-avgust, chorshanba kuni Aleppodagi oldinroq boy berilgan marralar ustidan nazoratni tikladi. Bu haqda Al Watan manbalariga tayanib, “TASS” xabar bermoqda.
Gazetaga ko‘ra, qo‘shinlar jangarilarni Zahrat-al-Xouz va Tell-al-Imara hududlaridan quvib chiqargan. Shuningdek, Snoubarat va Maxrukat tepaliklari qo‘lga kiritilgan.
O‘tkazilgan operatsiyalar chog‘ida 56 nafar jangari, jumladan, “Jaysh al-Fath” qurolli koalitsiyasi tarkibiga kiruvchi guruhlarning bir necha dala qo‘mondonlari o‘ldirildi. To‘qqiz tank, qurol-aslaha va harbiy-transport vositalari safdan chiqarildi.
Izoh (0)