Россиядаги «Океан» болалар маркази 2017 йилдан бошлаб Шанхай ҳамкорлик ташкилотига аъзо давлатлардан келган болаларни ҳам қабул қилади. Бу ҳақда марказ бош директори ўринбосари Геральд Рибкин маълум қилди, деб хабар беради «ТАСС».
«Бу йил мавсум 15 июлдан бошланади. Россиянинг 58 минтақаси, шунингдек, БРИКС мамлакатлари, Вьетнам, Лаос ва Жанубий Кореядан 1,5 минг болани кутяпмиз. Келгуси йилда эса ШҲТ давлатлари вакилларини ҳам жалб этамиз. Чет эллик меҳмонларнинг келишига астойдил тайёргарлик кўрилади. Жумладан, таомномалар уларнинг миллий таомларини инобатга олган ҳолда тузилади», — деди Рибкин.
Маълумот учун, Уссурийск бўғози қирғоғида жойлашган «Океан» Бутунроссия болалар маркази 1983 йилдан бери фаолият юритиб келади. Йил давомида унда 16,5 минг мактаб ўқувчиси дам олади.
Изоҳ (0)