Iroq poytaxtida sodir etilgan ikki terakt qurbonlari soni 80 kishiga yetdi. Bu haqda mahalliy mansabdorlarga tayanib CNN ma’lum qildi, deb xabar beradi “RBK”.
Oldinroq portlashlarda 27 kishi qurbon bo‘lgani bildirilgandi.
Karrada tumanidagi gavjum savdo ko‘chasida ro‘y bergan birinchi portlashda 79 kishi halok bo‘ldi, 133 kishi jarohatlandi. Ikkinchi bomba Sha’b tumanidagi ochiq bozorda sodir etildi va unda bir kishi halok bo‘ldi, besh kishi yaralandi.
Hujum uchun javobgarlikni zimmasiga olgan IShID bundan ko‘zda tutilgan maqsad Karrada va Sha’b kabi shialar istiqomat qiladigan tumanlar ekanligini ma’lum qildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)