20 kishi qurbon bo‘lishiga olib kelgan Dakkadagi restoranga hujumga IShID aloqador emas. Bu haqda Bangladesh ichki ishlar vaziri Asaduzzamon Xon ma’lum qildi, deb xabar beradi “RBK”.
“Ularning barchasi bangladeshlik. Badavlat oilalarning vakillari, nufuzli o‘quv yurtlarida ta’lim olgan”, — ma’lum qildi vazir.
Oldinroq IShID shaharning diplomatik dahasidagi Holey Artisan Bakery restoraniga hujum uchun javobgarlikni o‘z zimmasiga olgan hamda terakt chog‘ida 20 kishi o‘ldirilganini ma’lum qilgandi.
Politsiya hujumni uyushtirgan besh kishining fotosi va ism-sharifini oshkor etdi. Huquq-tartibot idoralariga ko‘ra, ular o‘z oilalari bilan bir necha oy davomida bog‘lanmagan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)