Ramazon oyi davomida har kuni 16:00 da Abu-Dabining Abu Dhabi Corniche tumanidagi 59-villa oldida olomon to‘planadi. UAE Inside yozishicha, so‘nggi o‘n yil davomida shaxsini oshkor qilishni istamagan villa egasi har yili Ramazon chog‘ida o‘z hisobidan Abu-Dabining 4000 dan ortiq ishchi va boshqa istagan fuqarolariga ovqat beradi.
Ushbu villada 40 yildan buyon yashab kelayotgan Abdul Qodir ismli kishi aytib berishicha, Ramazon oyida har kuni 25 kishi tonggi 5 da taom tayyorlashni boshlab, 15:00 dagina tugatadi.
Har kuni villa xo‘jayini mehmonlarni siylash uchun 450 kg guruch, 400 kg go‘sht va 100 kg sabzavot sarflaydi.
Xpress nashriga bergan intervyusida anonim bo‘lib qolish istagini bildirgan villa xo‘jayini ehtiyojmandlarga yordam berish har bir musulmonning burchi ekanligini ta’kidladi. “Biz odamlarni dini yoki millatiga qarab ajratmaymiz. Har qanday kishi villaga kelib, mehmon bo‘lib ketishi mumkin”, — dedi u.
Izoh (0)