Zika virusi yuqtirilishi bilan bog‘liq holatlar 61 mamlakat va hududda qayd etildi. Bu haqda 30-iyun, payshanba kuni Jenevada e’lon qilingan Jahon sog‘liqni saqlash tashkiloti (JSST) hisobotida ma’lum qilingan, deya xabar beradi “TASS”.
“47 mamlakatda Zika virusi tarqalishi 2015-yildan beri birinchi marta ro‘y berdi, oldinlari ularda kasallik tarqalishi haqida ma’lumotlar olinmagan. 14 mamlakat va hududda virus yuqtirilishi 2007—2014-yillarda kuzatilgan va hozir ham davom etmoqda. Fransuz Polineziyasi, Kuk orollari, Pasxa oroli va Mikroneziyada virus 2014-yildan so‘ng kasallik uyg‘otmagan”, — deyiladi hisobotda.
JSSTga ko‘ra, garchi Zika virusining asosiy tashuvchisi chivin sanalsa-da, 10 ta davlatda uning odamdan odamga yuqqani qayd etildi.
Izoh (0)