Favqulodda holat rejimi 50 kishini hayotdan olib ketgan tungi klubdagi xunrezlik munosabati bilan butun Florida shtatida emas, Orlando shahrida va Oranj okrugida joriy qilindi. Bu haqda CNN telekompaniyasi efirida shtat gubernatori Rik Skott ma’lum qildi, deb yozadi “TASS”.
“Biz favqulodda holat rejimini Orlando va Oranjga kiritish bilan cheklandik. Agar zarurat bo‘lsa, ushbu rejimni Floridaning boshqa hududlariga ham joriy qilamiz”, — dedi Skott.
Favqulodda holat rejimi shahar hukumatiga AQSh federal hukumatiga yordam so‘rab navbatsiz murojaat qilish imkoniyatini beradi.
Eslatib o‘tamiz, avvalroq Barak Obama Orlandodagi tungi klub tashrifchilariga qurolli hujumni terorchilik harakati deb atagan edi.
Izoh (0)