Eron AQShda muzlatib qo‘yilgan 2 milliard dollar qaytarilishini talab qilib Gaagadagi BMT xalqaro sudiga murojaat qiladi. Bu haqda mamlakat tashqi ishlar vaziri Muhammad Javod Zarif ma’lum qildi, deya xabar beradi “RBK”.
“Eronga tegishli mulk o‘zlashtirilishiga qarshi turish uchun tegishli choralar ko‘rdik. Hukumat BMT xalqaro sudida AQShga qarshi da’vo qo‘zg‘aydi. Biz amerikaliklar qonunga xilof ish tutayotganini butun dunyoga namoyish etamiz”, — deya ta’kidlagan vazir parlament oldidagi chiqishida.
AQSh Oliy sudi aprel oyida Eronga tegishli 2 milliard dollar Bayrutda 1983-yili ro‘y bergan portlashlar qurbonlari oilasiga to‘lov tariqasida berilishi lozimligi haqida hukm chiqardi. Eron rasmiylari mazkur teraktga aloqadorligini ko‘p bor inkor etgan.
Izoh (0)