Orlandodagi tungi klub tashrifchilariga qurolli hujum terorchilik harakati hisoblanadi. Bu haqda AQSh prezidenti Barak Obama Oq uyda Florida shtati Orlando shahridagi qirg‘in munosabati bilan nutq so‘zlar ekan, aytib o‘tdi, deb yozadi “TASS”.
“Tekshiruv dastlabki bosqichda bo‘lishiga qaramay, bu terrorchilik va nafrat harakati bo‘lganini aytish uchun yetarlicha ma’lumotga egamiz”, — dedi Obama.
Prezident jinoyat aybdorining harakatlaridan ko‘zlangan aniq maqsad hozircha ma’lum emasligini aytdi. Shuningdek, u Orlandodagi fojia “Amerika tarixida eng katta qirg‘in keltirgan otishma” bo‘lganini ta’kidladi.
Obama Orlando tungi klubidagi xunrezlikdan so‘ng motam belgisi sifatida Oq uy va Amerikaning barcha boshqa hukumat muassasalari tepasiga davlat bayrog‘ini osishni buyurdi.
So‘nggi ma’lumotlarga ko‘ra, Orlandodagi (Florida shtati, AQSh) Pulse tungi klubiga uyushtirilgan hujum qurbonlarining soni 50 kishiga yetdi, jabrlanganlar soni 53 kishini tashkil qilmoqda.
Izoh (0)