“Lukoyl” kompaniyasi vitse-prezidentining o‘g‘li Ruslan Shamsuarov politsiyachilarga bo‘ysunmaganlik uchun 15 sutka ma’muriy hibs ko‘rinishidagi jazoni o‘tadi, deya xabar bermoqda “Vedomosti”.
12-iyun, yakshanba kuni Shamsuarov ma’muriy jazoga mahkum etilgan shaxslarni saqlash uchun ikkinchi maxsus qabulxonani tark etdi. “TASS” yozishicha, “Lukoyl” vitse-prezidenti o‘g‘lini ikki qo‘riqchi va haydovchi bilan Volkswagen Minivan kutib olgan. Yigit advokati hamrohligida avtomobilga o‘tirgan va jurnalistlar savollariga javob berishdan bosh tortgan.
Ikki hafta avval internetda bir guruh yoshlar Mercedes-Benz G-class yo‘ltanlamasida politsiya xodimlari ko‘z oldida yo‘l qoidalarini buzgan holda ko‘ngilxushlik qilayotgani aks etgan video paydo bo‘ldi. Ular katta tezlikda yaxlit chiziqlarni kesib o‘tib, trotuar va gazonlarga chiqib ketgan. “Poygachi”larni olti soatdan keyingina qo‘lga tushirishdi. Ulardan uch nafariga 15 sutkalik, qolgan bir kishiga 10 sutkalik ma’muriy hibs belgilandi.
Izoh (0)