Hindiston shimoli-g‘arbiy chegarasida narkotiklarning yirik turkumini olib o‘tishga urinish chog‘ida pokistonlik ikki kontrabandachi o‘ldirdi, biriga jarohat yetkazildi. Bu haqda Hindiston chegara xavfsizligi xizmati (BSF) shtabi vakili ma’lum qildi, deb xabar berdi “TASS”.
Vakilga ko‘ra, chegara xavfsizligi xizmati xodimlari 12-iyun, yakshanbaga o‘tar kechasi Fazilka okrugi, Soxana shahri yaqinidagi chegara posti atrofida shubhali harakatlarni payqagan va huquqbuzarlarga qarata o‘t ochgan.
Otishma davomida Pokistonning ikki fuqarosi o‘ldirilgan va biri yaralanib, qo‘lga tushgan. Ulardan har biri 1 kilogrammdan bo‘lgan 15 paket geroin, qurol-yarog‘ va o‘q-dori musodara etilgan.
Izoh (0)