Орландодаги тунги клуб ташрифчиларига қуролли ҳужум терорчилик ҳаракати ҳисобланади. Бу ҳақда АҚШ президенти Барак Обама Оқ уйда Флорида штати Орландо шаҳридаги қирғин муносабати билан нутқ сўзлар экан, айтиб ўтди, деб ёзади «ТАСС».
«Текширув дастлабки босқичда бўлишига қарамай, бу террорчилик ва нафрат ҳаракати бўлганини айтиш учун етарлича маълумотга эгамиз», — деди Обама.
Президент жиноят айбдорининг ҳаракатларидан кўзланган аниқ мақсад ҳозирча маълум эмаслигини айтди. Шунингдек, у Орландодаги фожиа «Америка тарихида энг катта қирғин келтирган отишма» бўлганини таъкидлади.
Обама Орландо тунги клубидаги хунрезликдан сўнг мотам белгиси сифатида Оқ уй ва Американинг барча бошқа ҳукумат муассасалари тепасига давлат байроғини осишни буюрди.
Сўнгги маълумотларга кўра, Орландодаги (Флорида штати, АҚШ) Pulse тунги клубига уюштирилган ҳужум қурбонларининг сони 50 кишига етди, жабрланганлар сони 53 кишини ташкил қилмоқда.
Изоҳ (0)