9-iyun, payshanba kuni Iroq poytaxtida yuz bergan ikkita portlash oqibatida kamida 28 kishi halok bo‘ldi, 70 dan ortiq kishi jabrlandi, deya xabar bermoqda “TASS” “Al-Mayadin” telekanaliga tayanib.
Uning ma’lumotlariga ko‘ra, birinchi teraktni xudkush terrorchi mina bilan to‘ldirilgan avtomobilda Bag‘dod shimolidagi At-Tojiy harbiy bazasi yaqinida amalga oshirgan. Ikkinchi portlash poytaxt sharqida sodir etilgan.
Portlashlar uchun javobgarlikni IShID terrorchilik guruhi o‘z bo‘yniga oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)