9 июнь, пайшанба куни Ироқ пойтахтида юз берган иккита портлаш оқибатида камида 28 киши ҳалок бўлди, 70 дан ортиқ киши жабрланди, дея хабар бермоқда «ТАСС» «Ал-Маядин» телеканалига таяниб.
Унинг маълумотларига кўра, биринчи терактни худкуш террорчи мина билан тўлдирилган автомобилда Бағдод шимолидаги Ат-Тожий ҳарбий базаси яқинида амалга оширган. Иккинчи портлаш пойтахт шарқида содир этилган.
Портлашлар учун жавобгарликни ИШИД террорчилик гуруҳи ўз бўйнига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)