Demokratik partiyadan AQSh prezidentligiga nomzod Hillari Klinton mamlakat vitse-prezidentligiga demokratlar orasidan nomzodlar tanlashga kirishganini ma’lum qildi. Bu haqda “RBK” xabar bermoqda.
“Men malakasi yuqori bo‘lgan kishilar, jumladan, albatta ayollarga ham e’tibor beraman. Tanlagan nomzodim zarurat tug‘ilgan taqdirda darrov prezidentik vazifasini bajarishga kirisha olishiga ishonchim komil bo‘lishini istayman. Bu malaka bobidagi muhim talab”, — deya ta’kidlagan Klinton.
Eslatib o‘tamiz, oldinroq sobiq davlat kotibi va sobiq birinchi xonim 7-iyunda bo‘lib o‘tgan “superseshanba”dan so‘ng g‘alabani nishonlab, o‘zini “AQSh prezidentligi uchun birinchi ayol nomzod” deb atagandi.
Izoh (0)