“Jabhat an-Nusra” jangarilari Alepponi portlovchi modda to‘ldirilgan gaz ballonlari bilan o‘qqa tutishi oqibatida besh kishi halok bo‘ldi, 50 dan ziyod kishi jarohatlandi. Bu haqda 9-iyun, payshanba kuni Suriyadagi mojaro tomonlarini yarashtirish markazi vakili ma’lum qildi, deya xabar beradi “Interfaks”.
“‘Jabhat an-Nusra’ jangarilari portlovchi modda to‘ldirilgan gaz ballonlari bilan Aleppo shahrining Maydon hududidagi bozorni o‘qqa tutishi oqibatida 5 nafar tinch aholi vakili halok bo‘ldi, 50 dan ziyod kishi yaralandi. 20 ga yaqin turar-joy shikastlandi. Bu ‘Jabhat an-Nusra’ qurbonlar soni ko‘p bo‘lishi uchun atayin shahar aholisi ommaviy to‘planadigan manzillarga zarba berayotgan birinchi holat emas”, — deya ta’kidlagan vakil.
Uning so‘zlariga ko‘ra, jangarilar Aleppodan tashqari Idlib, Latakiya, Xama, Damashq viloyatlaridagi aholi punktlari va hukumat kuchlari blokpostlarini ham o‘qqa tutgan.
Izoh (0)