Xitoylik talaba Kanadada 31,1 million dollarga dang‘illama uy sotib oldi, deya xabar bermoqda “RIA Novosti”. Bu Xitoy ijtimoiy tarmoqlarida xaridorning shaxsi va mamlakat aholisining daromadlari o‘rtasidagi farqlar bo‘yicha qizg‘in bahs-munozarani keltirib chiqardi.
Vankuverdagi Point Grey Mansion deb nomlanuvchi hovli-joy yaqinda shaharda eng qimmat obyektlar ro‘yxatining 16-pog‘onasidan o‘rin olgan edi. Uyning umumiy maydoni 1,35 ming kvadrat metrni tashkil etadi. Uyda beshta yotoqxona va sakkizta vannaxona bor. Uni o‘z faoliyatini “talaba” deya ko‘rsatgan Tyan Yuychjou ismli kishi sotib olgan.
Ko‘plar talaba bunday katta mablag‘ni qayerdan olgani bilan qiziqmoqda. Ba’zi foydalanuvchilar oldi-sotdiga xitoylik poraxo‘r amaldorlar nopok yo‘l bilan topgan pul aralashganini taxmin qilmoqda.
Izoh (0)