Dominikan respublikasida o‘tkazilayotgan umumiy saylovlarda 4106 nafar mansabdor shaxs, jumladan, prezident, Milliy kongressning 222 a’zosi, 158 mer va ularning o‘rinbosarlari, 1164 nafar munitsipal darajadagi rahbar saylanadi. Saylovchilar ro‘yxatiga 6,7 millionga yaqin fuqaro kiritilgan, deya xabar beradi “TASS”.
Bu 1961-yili general Rafael Leonidas Truxilyo tuzumi ag‘darilganidan beri o‘tkazilayotgan hisob bo‘yicha o‘n beshinchi umumiy saylov. Davlat rahbarligiga mamlakatning amaldagi prezidenti Danilo Medina va Zamonaviy inqilob partiyasi vakili Luis Abinader da’vogarlik qilmoqda. G‘olibni aniqlash uchun ko‘pchilik — 50% va bitta ovoz kifoya. Agar nomzodlardan hech biri yetarli ovoz to‘plolmasa, 12-iyunda saylovlarning ikkinchi bosqichi o‘tkaziladi.
16-may, dushanba kuni dastlabki natijalari ma’lum bo‘ladigan saylovlarda tinchlikni ta’minlash uchun 25 mingdan ortiq politsiyachi jalb etilgan.
Izoh (0)