Fransiya Falastin—Isroil muzokaralarini tiklashning ikki bosqichdan iborat rejasini taklif etadi. Bu haqda 15-may, yakshanba kuni mamlakat tashqi ishlar vaziri Jan-Mark Ero ma’lum qildi, deya xabar beradi “Interfaks”.
Isroil bosh vaziri Binyamin Netanyaxu va Falastin milliy ma’muriyati rahbari Mahmud Abbos bilan alohida o‘tkazilgan muzokaralardan keyin Ero 30-mayga belgilangan vazirlar darajasidagi uchrashuvdan so‘ng kuzda keng doiradagi xalqaro tinchlik konferensiyasi bo‘lib o‘tishi lozimligini bildirdi.
“Ikki tomon o‘rtasidagi muzokaralar muzlatilgan, shu sababli tashqi kuchlar aralashuvi zarur. Chunki vaziyat borgan sari yomonlashib bormoqda”, — deya ta’kidlagan Fransiya tashqi ishlar vaziri.
Isroil va Falastin yetakchilarining may oyidagi uchrashuvda ishtiroki ko‘zda tutilmagan, lekin ular kuzdagi anjumanga taklif etilgan.
Izoh (0)