Rasman: “Barselona” Ispaniya chempionligini qo‘lga kiritdi, “Real Madrid” kumush bilan cheklandi

Ispaniya futbolining ikki yetakchisi — Madridning “Real” va Kataloniyaning “Barselona” klublari 2015/16-yilgi mavsumni rasman yakunladi.

• “Barselona” joriy mavsumda eng ko‘p futbolkalar sotgan klub bo‘ldi

• “Real” dunyoning eng qimmat futbol klubi maqomini saqlab qoldi

Urugvaylik futbolchi Luis Suares La Liganing joriy mavsumi hisobidan 40 ta gol urib, to‘purarlar poygasida peshqadam bo‘ldi. “Match-TV”ning Twitter’dagi akkaunti ma’lumotiga ko‘ra, Suares “Liverpul” safida 133 ta o‘yinda 82 ta gol kiritgandi. Hujumchiga “Barselona” safida shuncha gol urish uchun 95 ta bellashuv kifoya qilgan.

Bu borada Suaresga raqobatchilik qilgan portugaliyalik Krishtianu Ronaldu 35 ta gol kiritishga muvaffaq bo‘ldi. Futbolchi o‘zining so‘nggi ikki golini 38-tur doirasida “Deportivo” darvozasiga kiritdi. Biroq bu gollar “Real”ning chempion bo‘lishi uchun kamlik qildi.

Bir yil muqaddam “Barselona” chempionlik poygasida “Real”dan 2 ochkoga o‘zib ketgandi. Bu safar esa ochkolar farqi bor yo‘g‘i 1 tani tashkil etdi.

Mavsum yakuniga qadar har ikki klub 1 tadan final uchrashuvida ishtirok etadi. “Barselona” 22-may kuni Ispaniya Kubogi finalida “Sevilya” bilan kuch sinashsa, 28-may kuni “Real” Yevropa Chempionlar Ligasining finalida “Atletiko”ga qarshi bahs olib boradi.

• Xitoy va BAA klublaridan takliflar kelganiga qaramay, Inyesta “Barselona”da qolishga qaror qildi

• Luis Enrike kelasi mavsumda ham “Barselona”da ishlashga qaror qildi

“Valensiya” — “Real Sosyedad” 0:1

14-may, shanba

“Deportivo” — “Real Madrid” 0:2

“Granada” — “Barselona” 0:3