Расман: «Барселона» Испания чемпионлигини қўлга киритди, «Реал Мадрид» кумуш билан чекланди

Испания футболининг икки етакчиси — Мадриднинг «Реал» ва Каталониянинг «Барселона» клублари 2015/16 йилги мавсумни расман якунлади.

• «Барселона» жорий мавсумда энг кўп футболкалар сотган клуб бўлди

• «Реал» дунёнинг энг қиммат футбол клуби мақомини сақлаб қолди

Уругвайлик футболчи Луис Суарес Ла Лиганинг жорий мавсуми ҳисобидан 40 та гол уриб, тўпурарлар пойгасида пешқадам бўлди. «Матч-ТВ»нинг Twitter’даги аккаунти маълумотига кўра, Суарес «Ливерпуль» сафида 133 та ўйинда 82 та гол киритганди. Ҳужумчига «Барселона» сафида шунча гол уриш учун 95 та беллашув кифоя қилган.

Бу борада Суаресга рақобатчилик қилган португалиялик Криштиану Роналду 35 та гол киритишга муваффақ бўлди. Футболчи ўзининг сўнгги икки голини 38-тур доирасида «Депортиво» дарвозасига киритди. Бироқ бу голлар «Реал»нинг чемпион бўлиши учун камлик қилди.

Бир йил муқаддам «Барселона» чемпионлик пойгасида «Реал»дан 2 очкога ўзиб кетганди. Бу сафар эса очколар фарқи бор йўғи 1 тани ташкил этди.

Мавсум якунига қадар ҳар икки клуб 1 тадан финал учрашувида иштирок этади. «Барселона» 22 май куни Испания Кубоги финалида «Севилья» билан куч синашса, 28 май куни «Реал» Европа Чемпионлар Лигасининг финалида «Атлетико»га қарши баҳс олиб боради.

• Хитой ва БАА клубларидан таклифлар келганига қарамай, Иньеста «Барселона»да қолишга қарор қилди

• Луис Энрике келаси мавсумда ҳам «Барселона»да ишлашга қарор қилди

«Валенсия» — «Реал Сосьедад» 0:1

14 май, шанба

«Депортиво» — «Реал Мадрид» 0:2

«Гранада» — «Барселона» 0:3