Futbol bo‘yicha O‘zbekiston Oliy Ligasining 9-turi “Lokomotiv” klubining g‘alabasi bilan boshlandi. Toshkent derbisida “Paxtakor”ni qabul qilgan “temiryo‘lchilar” Temurxo‘ja Abduxoliqovning yagona goli evaziga zafar quchdi.
Qayd etish kerak, O‘zbekistonning so‘nggi ikki yildagi chempioni hisoblangan “Paxtakor” ortda qolgan 9 ta o‘yinning 5 tasida ochko yo‘qotishga majbur bo‘ldi va faqatgina 4 ta o‘yinda 3 ochkoni qo‘lga kiritdi.
“Paxtakor” dastlabki to‘qqiz turda o‘zidan oldingi pog‘onada borayotgan to‘rt klub, shuningdek, o‘zini ta’qib qilayotgan ikki jamoa bilan maydonga tushib ulgurdi. Birinchi davraning qolgan olti o‘yinida klub turnir jadvalining ikkinchi yarmida joylashgan jamoalarga qarshi saf tortadi.
O‘zbekiston Oliy Ligasi 9-tur uchrashuvi 12-may, payshanba
“Lokomotiv” — “Paxtakor” 1:0
Gol: Temurxo‘ja Abduxoliqov, 13 (1:0).14-may, shanba“Neftchi” — “Obod”“Navbahor” — “Qo‘qon—1912”“Mash’al” — “Sho‘rtan”“So‘g‘diyona” — “Olmaliq”“Bunyodkor” — “Buxoro”“Qizilqum” — “Andijon”
16-may, dushanba“Metallurg” — “Nasaf”
Izoh (0)