Futbol bo‘yicha O‘zbekiston Oliy Ligasisida 8-tur bellashuvlari start olib, 7-may kunida o‘tishi kerak bo‘lgan 3 ta bellashuvga yakun yasaldi.
Kunning markaziy o‘yini Buxoro shahrida kechib, mezbon “Buxoro” klubi unda “Metallurg”ni mag‘lub eta olmadi — 0:0. Qo‘lga kiritilgan 1 ochko Bekobod klubini 4-o‘ringa olib chiqqan bo‘lsa, 6-pog‘odan joy olgan “Buxoro” 15 ochkoga ega bo‘lib turibdi.
Bir tur avval bo‘lib o‘tgan Toshkent derbisida “Bunyodkor”dan yirik hisobda yengilgan “Paxtakor”, 8-turni yirik g‘alaba bilan tugatdi. O‘z maydonida Namanganning “Navbahor” klubini qabul qilgan jamoa 3:0 hisobida muvaffaqiyat qozondi. Bu g‘alaba “paxtakorchilar”ni 5-o‘ringa olib chiqdi. Igor Sergeyev esa 7 ta gol bilan to‘purarlar poygasida "Metallurg" a'zosi Zohid Abdullayevga yetib oldi.
Qayd etish kerak, “Paxtakor” Osiyo Chempionlar Ligasidan joy olgan o‘zining so‘nggi o‘yinida ham 3:0 hisobida zafar quchgandi.
G‘uzorning “Sho‘rtan” klubi esa 8-turda birinchi g‘alabasiga ega chiqdi. Dastlabki olti o‘yinning barchasida imkoniyatni boy bergan klub, 7-turda “Neftchi” bilan durang o‘ynab, birinchi ochkosini qo‘lga kiritgandi.
O‘zbekiston Oliy Ligasi 8-tur bellashuvlari 7-may, shanba
Izoh (0)