Turkiya janubi-sharqidagi Mardin provinsiyasi Nusaybin shahrida qo‘lbola bomba portlashi natijasida ikki harbiy xizmatchi halok bo‘ldi, uch nafari jarohat oldi, deya xabar bermoqda “RIA Novosti” Anadolu agentligiga tayanib.
Agentlikning harbiy manbasiga ko‘ra, portlovchi qurilma Turkiyada taqiqlangan Kurdiston ishchilar partiyasi a’zolariga qarshi aksilterrorchilik operatsiyasi o‘tkazish chog‘ida ishga tushgan.
Nashr ta’kidlashicha, Turkiyada 2015-yil iyulida Kurdiston ishchilar partiyasi bilan qurolli nizo qayta boshlangach, kurd isyonchilari bilan to‘qnashuvlarda 400 ga yaqin harbiylar va politsiyachilar halok bo‘lgan.
Izoh (0)