Pokiston Oliy sudi uy qamog‘ida bo‘lgan sobiq prezident (2001—2008-yillar) Parvez Musharrafga mamlakatni tark etishga ruxsat berdi. Yaqin orada uning ismi-sharifi Pokistondan ketishi man etilgan shaxslar ro‘yxatidan chiqariladi, deya xabar beradi “TASS”.
1999-yili harbiy to‘ntarish va bosh vazir Navoz Sharifni chetlatish natijasida hokimiyatga kelgan general Musharraf 2013-yil martida, Buyuk Britaniyadagi besh yillik ixtiyoriy quvg‘indan vataniga qaytganidan keyinoq uy qamog‘iga olingandi. Unga nisbatan sobiq bosh vazir Benazir Bxuttoning o‘ldirilishiga aloqadorlik, sud hukmisiz chora ko‘rishlar, 2007-yili Oliy sudni noqonuniy tarqatib yuborish kabi ko‘plab ayblovlar qo‘yilgandi.
Pokistonga qaytganidan so‘ng Musharraf Islomobod yaqinidagi qarorgohida istiqomat qilib kelgan, uning barcha harakatlari nazoratga olinib, zaruratsiz qarorgoh hududini tark etishi man etilgandi.
Izoh (0)