Xitoy AQSh tomonidan BMT Xavfsizlik kengashining yangi rezolyutsiyasida ko‘zda tutilganidan tashqari qo‘shimcha sanksiyalar joriy etilishini yoqlamadi. Bu haqda Xitoy TIV rasmiy vakili Lu Kan ma’lum qildi, deya xabar beradi “TASS”.
“Birinchidan, Xitoy har qanday bir tomonlama sanksiyalarni yoqlamaydi. Ikkinchidan, Koreya yarim orolidagi vaziyat murakkabligicha qolmoqda va biz qarama-qarshilikni chuqurlashtirishi mumkin bo‘lgan harakatlarga qarshimiz. Uchinchidan, istalgan davlatning har qanday bir tomonlama harakatlari Xitoy manfaatlariga zid kelmasligi lozim”, — deya ta’kidlagan Kan.
Barak Obama oldinroq KXDR hukumati va Koreya Mehnat partiyasining AQSh hududidagi mol-mulki va kapital qo‘yilmalari muzlatilishi, Pxenyan bilan bir qator tijoriy kelishuvlarga cheklov o‘rnatilishi ko‘zda tutilgan qarorni imzolagandi.
Izoh (0)