Rossiya prezidentining matbuot kotibi Dmitriy Peskov Suriyada harbiy xizmatchi Fyodor Juravlyov halok bo‘lganini tasdiqlab, Kremlda uning bevasiga mukofot topshirilganini ma’lum qildi. Oldinroq rasmiylar Juravlyov halokatiga izoh berishdan bosh tortib kelayotgandi, deya xabar beradi “RBK”.
Reuters’ning bildirishicha, shu tariqa Kreml Suriyadagi harbiy operatsiya davomida avval ta’kidlab kelinganidek to‘rt emas, besh nafar harbiy xizmatchi halok bo‘lganini tan oldi. Dmitriy Peskov mazkur holat bo‘yicha qo‘shimcha izoh berishdan bosh tortgan.
Rossiyalik harbiy xizmatchi nobud bo‘lgani haqida ilk bor o‘tgan yil noyabrida xabar bergan agentlik manbasiga ko‘ra, Juravlyov Bosh razvedka boshqarmasida shartnoma asosida xizmat qilgan va maxsus operatsiyalar kuchlarining “Senej” markazi joylashgan Solnechnogorsk shahrida istiqomat qilgan.
Izoh (0)