Fransiya janubida joylashgan Nim shahridan qadimiy qabrlar topildi. O‘zbekiston musulmonlari idorasi rasmiy veb-portali axborotiga ko‘ra, qabrlardagi marhumlar musulmonlarga xos tarzda — boshi Qiblaga qaratib dafn etilgan.
Tekshiruvlar natijasida marhumlarning Shimoliy Afrika xalqlariga mansub ekani va VII—IX asrga tegishliligi ma’lum bo‘ldi. Olimlar suyak qoldiqlariga asoslanib, marhumlarning qaysi jins vakili ekani va necha yoshda vafot etganini ham aniqlagan.
Mutaxassislar taxminiga ko‘ra, marhumlar berberlar xalqiga mansub. Qayd etish joiz, VIII asrda Nim shahri bir muddat Ummaviylar xalifaligi nazorati ostida bo‘lgan, berberlar esa ularning yollanma jangchilari edi.
“Vesti”ga ko‘ra, mazkur topilma Yevropa hududidagi eng qadimiy musulmon qabrlari bo‘lishi mumkin. “Regnum”ning qayd etishicha, bu qabrlar Arab-Shimoliy Afrika vakillarining ilk o‘rta asrlarda Yevropada bo‘lganini tasdiqlovchi hozircha yagona moddiy dalildir.
Izoh (0)