Yanukovich Ukrainaga prezident sifatida qaytish niyatida ekanligi ma’lum qilindi

Viktor Yanukovichning advokati Vitaliy Serdyuk uning Ukrainaga prezident sifatida qaytish niyati borligini bildirdi. Bu haqda “Korrespondent.net” xabar bermoqda.

“Uning Ukrainaga qaytish niyati bor va buning uchun huquqiy xatti-harakatlar amalga oshirilmoqda. Yanukovich prezidentlik vakolatini zimmasidan soqit qilmagan va mamlakatni boshqarishdan o‘zini tortmagan. Uni hokimiyatdan chetlatish jarayonida Ukraina konstitutsiyasi qo‘pol ravishda buzilgan. Shuningdek, Yanukovich xalqaro qidiruvda emas va dunyo bo‘ylab emin-erkin harakatlanishi mumkin”, — deya ta’kidlagan Serdyuk.

Eslatib o‘tamiz, oldinroq Interpol Yanukovichni qidirishga taalluqli bo‘lgan ma’lumotni vaqtincha olib tashlagani haqida xabar berilgandi.