Facebook mijozlarni chop etayotgan ma’lumotlaridan foydalanilishi to‘g‘risida lozim darajada ogohlantirmagani uchun Berlin sudi tomonidan 100 ming yevro jarimaga tortildi. Bu haqda oldinroq AQSh kompaniyasi ustidan shikoyat bergan Germaniya iste’molchilar huquqini himoya qilish markazlari federal uyushmasi ma’lum qilgan, deya xabar beradi “Interfaks”.
Nemis sudining 2012-yildagi qarorida Facebook qoidalarida kompaniya foydalanuvchilar sahifalarida joylashtirilgan manbalar, jumladan, ularning foto va videolavhalaridan foydalanishga nechog‘li haqqi borligiga yetarlicha izoh berilmagani ma’lum qilingandi. Kompaniya mazkur qoidalarni o‘zgartirdi, biroq sud kamchiliklar to‘liq barataf etilmagan, deb topdi.
Facebook ikki hafta davomida sud qarori ustidan shikoyat qilishi mumkin.
Izoh (0)