Apple “San-Bernardino mergani” telefonini buzib, undagi ma’lumotlarni olishda yordam berishdan bosh tortayotgani uchun mas’uliyat uning rahbari Tim Kuk zimmasida. Agar sud FQB foydasiga qaror chiqarsa, Apple bosh direktori panjara ortiga tushishi mumkin. Bu haqda “Hi-Tech Mail.Ru” xabar bermoqda.
Ustiga-ustak, Kukni terrorchilarga sheriklikda ayblashlari ham mumkin. Apple’ning istalgan qurilmasini buzishga imkon beruvchi dastur yaratilishini yoqlamayotgan korporatsiyaning boshqa yuqori martabali menejerlari ham sud oldida javob berishiga to‘g‘ri keladi.
Sud qarori Apple foydasiga chiqarilmasa, Kuk bunga bo‘ysunishi yoki qamoqqa yo‘l olishiga to‘g‘ri keladi. Biroq kompaniya rahbari AQSh prezidenti Barak Obamaga yaqin inson hisoblanadi, shu bois uning hibsga olinishi ehtimoli past ekanligi ta’kidlanmoqda.
Eslatib o‘tamiz, oldinroq Bruklin federal sudi metamfetamin sotuvchisi Jun Feng ishi bo‘yicha AQSh hukumati Apple korporatsiyasini iPhone himoyasini buzishda yordam berishga majburlashi mumkin emasligi to‘g‘risida hukm chiqardi.
Izoh (0)