Hindistonda qoplon maktab binosiga kirib, besh kishiga jarohat yetkazdi (video)

Hindiston janubida qoplon mahalliy maktab binosiga kirib, besh kishiga jarohat yetkazdi. Bu haqda “Segodnya.ua” xabar bermoqda.

“Biz davlat maktabidan qoplon to‘siqdan oshib o‘tib, binoga kirgani va kimsasiz sinf xonalarida yurgani kameralar orqali kuzatilgani haqida xabar oldik”, — deyiladi tabiatni himoya qilish xizmati xabarida.

Hodisa yakshanba kuni ro‘y bergani, maktabda o‘quvchilar bo‘lmagani ta’kidlanmoqda. Besh nafar jabrlangan orasidan bir kishi jiddiy jarohatlar bilan kasalxonaga yotqizilgan. Chaqiruv bo‘yicha yetib kelgan tabiatni himoya qilish xizmati xodimlari jonivorga tinchlantiruvchi ukol qilib, so‘ng Bannergxat hayvonot bog‘iga olib ketgan.

https://youtu.be/qxiCZVE4RDU