Qutqaruvchilar havoda to‘qnashib ketgan va Los-Anjeles bandargohi (AQSh) yaqinida Tinch okeaniga qulagan ikki kichik samolyotdan birining bo‘laklari va ikki kishining jasadini topdi. Bu haqda “RIA Novosti” xabar bermoqda.
Los-Anjeles okrug politsiyasi vakilining bildirishicha, g‘avvoslar jasadlarni bandargohdan 3 kilometr uzoqlikda, 30 metr chuqurlikdan topgan. Ularning shaxsini aniqlashga kirishilgan, qidiruv ishlari esa davom ettirilmoqda.
AQSh qirg‘oq himoyasi xizmati ma’lumotiga ko‘ra, to‘qnashuv 5-fevral, juma kuni mahalliy vaqt bilan 15:30 da ro‘y bergan. Super Decathlon samolyotini 72 yoshli ayol boshqargan. Boshqa samolyot bortida esa 61 va 81 yoshli ikki erkak bo‘lgan.
Bandargohga kemalar kirishi vaqtincha to‘xtatilgan.
Izoh (0)