Samolyotga chiqish talonini suratga olmaslik va tashlab yubormaslik tavsiya etildi

AQShlik sud-tibbiy eksperti Uinston Kron samolyotga chiqish talonlarining har birida yo‘lovchining shaxsiy ma’lumotlarini: ismi, uy manzili, elektron pochta manzili, telefon raqami va ba’zan moliyaviy axborotni ham o‘z ichiga olgan shtrix-kod bo‘lishini ma’lum qildi. Bu haqda “Tavriyskiye vesti” xabar bermoqda.

Agar xaker taloningizdagi shtrix-kodni skanerlab olish imkonini qo‘lga kiritsa, barcha ma’lumotlaringiz xavf ostida qoladi, deydi ekspert.

Talon safaringiz yakuniga yetguniga qadar yoningizda turganiga ishonch hosil qiling. So‘ng uni mayda-mayda bo‘laklarga bo‘lib, o‘sha chet elning o‘zida tashlab yuboring, aks holda, maxfiy ma’lumotlaringiz jinoyatchilar qo‘liga tushib qolishi mumkin.

Va, albatta, hech qachon talonni suratga olib, ijtimoiy tarmoqlarga joylamang.