Xitoyda buldozer ichida bemorlar bo‘lgan kasalxonani buzib tashladi

Xitoyning Xenan provinsiyasi Chjenchjou shahrida buldozer ishlab turgan kasalxona va unga birikkan morgning bir qismini buzib tashladi, deya xabar bermoqda Associated Press.

Hodisa natijasida klinikaning bir nechta xodimi jabrlandi, taxminan 20 million yuanlik (3 million dollar) uskunalarga zarar yetdi. Bundan tashqari, morgdagi jasadlardan oltitasi vayronalar ostida qoldi.

Agentlik ta’kidlashicha, mahalliy hukumat muassasa yonidan o‘tgan yo‘lni uning hududi hisobiga kengaytirishni rejalashtirmoqda, shu tufayli kasalxonani buzish bir yildan beri ko‘zda tutilgan. Bo‘limlarning bir qismi ko‘chib o‘tgan, biroq ularning ba’zilari hamon ishlayotgan bo‘lgan, ularning xodimlari esa bino buzilishidan bexabar bo‘lgan.

Provinsiya rahbariyati vakillari esa kasalxona ma’muriyatini bu haqda ogohlantirganini ta’kidlamoqda.