Olmaotaning “Insayt Media” agentligi direktori Yuriy Doroxov Facebook sahifasida “Everest” filmi orqali tanilgan qorli tog‘ cho‘qqisi aslida Qozog‘iston va Qirg‘iziston chegarasida olingani, uning muallifi olmaotalik ruhoniy Aleksandr Ziryanov ekanligini ma’lum qildi, deb yozadi TJournal.
Ziryanovning o‘zi ham postga izoh yozib, fotostokka joylagan surati unga 62,5 dollar keltirganini aytdi. Uning so‘zlariga ko‘ra, Chapayev cho‘qqisini u 2010 va 2011-yillarda Xan-Tengri cho‘qqisiga uyushtirgan ikkita ekspeditsiya chog‘ida suratga tushirgan. Ushbu kadrlar orasida film yaratuvchilari stok orqali olgan surat ham bo‘lgan.
Film afishasiga joylangan Chapayev cho‘qqisi 6371 metr balandlikka ega. Aslida, u 8848 metrlik Everest cho‘qqisidan deyarli bir yarim kilometr pastroqdir.
Izoh (0)