Vashington shtatidagi (AQSh) foydalanishdan chiqarilgan Xenford majmui milliy bog‘ga aylantiriladi. Bu yerga keluvchilar radioaktiv chiqindilar saqlanadigan hududga qadamlari yetmasligi aytilmoqda, deya xabar beradi “Gazeta.ru”.
“Barcha narsa tozalangan va mutlaqo xavfsiz. Radioaktiv moddalar bir qancha kilometr uzoqlikdagi masofada joylashgan”, — deya ma’lum qildi AQSh energetika vazirligi vakili Kolin French.
AQSh milliy bog‘lar xizmati vakili Chip Jenkinsning aytishicha, bog‘da olimlar va ishchi-xodimlar faoliyatiga oid hujjatlar, shuningdek, Nagasakiga (Yaponiya) tashlangan atom bombasi tarixi namoyish etiladi.
1943-yilda qurilgan Xendford majmuida plutoniy ishlab chiqarishga mo‘ljallangan reaktor joylashtirilgan. Mazkur reaktorda tayyorlangan plutoniydan 1945-yilda Nagasaki shahriga tashlangan atom bombasini yaratishda foydalanilgan.
Izoh (0)