Qozog‘iston musulmonlar uyushmasi Odessa viloyati ma’muriyati rahbari Mixail Saakashviliga Qozog‘istondagi shaharlardan biriga akim (hokim) bo‘lish taklif etilgan maktub jo‘natdi. Bu haqda “Korrespondent.net” xabar bermoqda.
“Ukrainaning korrupsiyalashgan amaldorlariga qarshi dadil va beayov kurash olib borayotganingiz bizda katta taassurot qoldirdi. Agar bu tajribani bizning mamlakatda ham qo‘llasangiz, bundan faqat mamnun bo‘lardik”, — deyiladi mazkur maktubda.
Saakashvili unga nisbatan bildirilgan ishonch uchun minnatdorchilik bildirib, hozircha Ukrainadan ketish niyati yo‘qligini bildirdi. “Qozoq birodarlarga rahmat, lekin mahalliy korrupsionerlarni quvontirgim va Ukrainadan boshqa yerga ketgim yo‘q”, — deya ta’kidlagan u Facebook’dagi sahifasida.
Izoh (0)