Moskvada taniqli korrupsiyachilar yashagan uylar, ish joylari va hibsda saqlangan muassasalari bo‘ylab ekskursiya uyushtiradigan Corrupt Tour byurosi tashkil etiladi. Bu haqda “Moskva” agentligi xabar bermoqda.
“Corrupt Tour tovar belgisini ro‘yxatdan o‘tkazish uchun Rospatentga talabnoma berilgan, — deya ma’lum qildi ushbu sayohatlarni tashkil etayogan “Megapolis” kompaniyasi bosh direktori Anatoliy Aronov. — Birinchi dasturga Yevgeniya Vasilyeva va Aleksandr Xoroshavin bilan bog‘liq joylar kiradi. Yangi yo‘nalishlar har hafta qo‘shib boriladi. Odamlar OAVdan emas, shaxsan o‘zlari korrupsiyachilar qanday yashagani va ishlagani bilan tanishishlari uchun imkoniyat yaratiladi. Ular haqidagi ma’lumotlar ochiq manbalardan olinadi”.
Har bir ekskursiya olti—yetti kishidan iborat guruh uchun mo‘ljallangan va 2—3 soat davom etadi. Buning uchun 500 rublga (taxminan 8 dollar) chipta olish kerak.
Izoh (0)