Rossiyaning “Kogalimavia” aviakompaniyasiga tegishli Airbus A321 layneri “qora quti”lari rasshifrovka qilindi, deya xabar bermoqda “RIA Novosti”. Dastlabki ma’lumotlar shuni ko‘rsatdiki, uchuvchilar o‘zaro suhbat paytida bortdagi texnik nosozliklardan gap ochmagan.
Nashr eslatishicha, avvalroq OAVlarda uchuvchilar favqulodda hodisa haqida bilgani va samolyot sekinlashib, pastlay boshlaganida yuzaga kelgan muammolarni bartaraf etishga uringan bo‘lishi mumkinligi haqida ma’lumotlar paydo bo‘lgan edi.
Wall Street Journal o‘z manbasiga tayanib yozishicha, ekipajda chora ko‘rish uchun deyarli yoki umuman vaqt bo‘lmagan.
Eslatib o‘tamiz, avvalroq Misr hukumati Rossiyaning A321 samolyoti halokatga uchragan hududda qidiruv operatsiyasi yakunlanganini ma’lum qilgan edi.
Izoh (0)