Saudiya Arabistonining Makka shahri yaqinida joylashgan Mino vodiysidagi fojiaga ba’zi ziyoratchilar tomonidan ko‘rsatmalarga rioya qilinmagani sabab bo‘lgan. Bunday fikrni Saudiya Arabistoni sog‘liqni saqlash vaziri Xolid al Faleh bayon qildi, deb yozadi “TASS”.
Uning so‘zlariga ko‘ra, “agar ziyoratchilar hajga keluvchilar uchun belgilangan ko‘rsatmalarga rioya qilganida, biz bu fojiaga yo‘liqmagan bo‘lardik”. Al Faleh aniqlik kiritishicha, uning fikriga ko‘ra, “ko‘pchilik ziyoratchilar ular uchun belgilangan jadval va vaqtga e’tibor bermagan holda umumiy namozga chiqqan”.
Avvalroq Makka yaqinidagi Mino vodiysida ziyoratchilarning to‘planib qolishi oqibatida yuzaga kelgan tiqilinch tufayli halok bo‘lganlar soni 717 kishiga yetgani, jabrlanuvchilar soni 805 nafarni tashkil etgani xabar berilgan edi.
Eslatib o‘tamiz, tiqilinch haj marosimlaridan biri — shaytonga tosh otish vaqtida ro‘y bergan. Marosim vaqtida 100 minglab odamlar bir joyga to‘planib qolgan va tartibsiz harakat qilgan.
Izoh (0)