Саудия Арабистонининг Макка шаҳри яқинида жойлашган Мино водийсидаги фожиага баъзи зиёратчилар томонидан кўрсатмаларга риоя қилинмагани сабаб бўлган. Бундай фикрни Саудия Арабистони соғлиқни сақлаш вазири Холид ал Фалеҳ баён қилди, деб ёзади «ТАСС».
Унинг сўзларига кўра, «агар зиёратчилар ҳажга келувчилар учун белгиланган кўрсатмаларга риоя қилганида, биз бу фожиага йўлиқмаган бўлардик». Ал Фалеҳ аниқлик киритишича, унинг фикрига кўра, «кўпчилик зиёратчилар улар учун белгиланган жадвал ва вақтга эътибор бермаган ҳолда умумий намозга чиққан».
Аввалроқ Макка яқинидаги Мино водийсида зиёратчиларнинг тўпланиб қолиши оқибатида юзага келган тиқилинч туфайли ҳалок бўлганлар сони 717 кишига етгани, жабрланувчилар сони 805 нафарни ташкил этгани хабар берилган эди.
Эслатиб ўтамиз, тиқилинч ҳаж маросимларидан бири — шайтонга тош отиш вақтида рўй берган. Маросим вақтида 100 минглаб одамлар бир жойга тўпланиб қолган ва тартибсиз ҳаракат қилган.
Изоҳ (0)