B61-12 atom bombalarini ishlab chiqarish ishlari 2020-yildan avval boshlanmaydi, 2015-yilda ularni Germaniya yetkazib berish rejalashtirilmayapti. Bu haqda, RBK’ ning xabar berishicha, AQSh Energetika vazirligi huzuridagi Yadroviy xavfsizlik bo‘yicha milliy boshqarma matbuot xizmati boshlig‘i o‘rinbosari Shelli Laver “TASS”ga ma’lum qildi.
“Mazkur bombalarning joriy yil oxirigacha Yevropaga joylashtirilishi haqidagi maqolalar noaniqdir”, — dedi Laver. Uning so‘zlariga ko‘ra, hozirgi vaqtda faqat bomba tashuvchi samolyotlar modernizatsiya qilinyapti, xolos. Aslahalarni yetkazib berish haqida hozircha gap yo‘q.
Germaniya qurolli kuchlarining Byuxel aviabazasiga yangi namunadagi B61-12 atom bombalarining 20 tasi joylashtirilishi haqida avvalroq Germaniyaning ZDF telekanali xabar bergan edi.
Kremlning ma’lum qilishicha, agar Germaniyaga AQShning yangi atom bombalari joylashtiriladigan bo‘lsa, Rossiya bunga javoban aksilchoralar ko‘radi. Harbiy-diplomatik doiralardagi manbalarning ma’lum qilishicha, Rossiya Kaliningrad ostonasiga “Iskander-M” tezkor-taktik raketa majmualarini o‘rnatishi mumkin.
Izoh (0)