Belarus prezidenti Aleksandr Lukashenkoning 11 yoshli o‘g‘li Nikolay Xitoydagi ijtimoiy tarmoq foydalanuvchilarining yoqimtoyiga aylandi. Bu haqda “Tengrinews.kz” xabar bermoqda.
3-sentabrda Pekinda bo‘lib o‘tgan paradda qatnashgan Lukashenko rasmiy marosimda o‘g‘lini Xitoy rahbari Si Szinpin va uning rafiqasi Pen Liyuanga tanishtirgan. Xonim bolakayni yuzidan o‘pib qo‘yib, turmush o‘rtog‘ining yoniga turishga ishora qiladi. Biroq Nikolay qayoqqa o‘tishni bilmay biroz dovdirab qolganini xitoylik foydalanuvchilar sezgan. Ular Lukashenkoning o‘g‘liga “kichik shahzoda” deb nom qo‘yib olgan.
“Belarus prezidentining o‘g‘li” xeshtegi Xitoy Internetidagi eng ommaviy mavzulardan biriga aylandi. Mahalliy telekanallardan biri esa jiddiy tadbirda “ko‘kko‘zli, mallasoch shahzoda”ning paydo bo‘lgani unga joziba bag‘ishlaganini ta’kidlagan.
Izoh (0)