Gretsiya, AQSh elchixonasining talabiga qaramay, Suriyaga gumanitar yordam yuklarini yetkazib berayotgan Rossiya samolyotlari uchun Afina havo kengliklari (FIR Athens)ni yopishdan bosh tortdi. Bu haqda “RBK” xabar bermoqda.
Ma’lum bo‘lishicha, kuni kecha AQSh elchixonasi Gretsiya hukumatiga murojaat qilib, Rossiya samolyotlarining FIR Athens orqali uchib o‘tishini taqiqlashni so‘ragan. Biroq, manbaning ma’lum qilishicha, Gretsiya hukumati Rossiya bilan aloqalarni yomonlashtirmaslik uchun, mazkur iltimosga rad javobini bergan.
Manbaning aytishicha, rasmiy Moskva Suriyaga gumanitar yordam yuklarini yetkazib berishda Afina havo kengliklaridan 1—24-sentabr kunlari davomida foydalanish uchun Gretsiya hukumatidan ruxsat olgan, biroq bu axborot rasman tasdiqlangani yo‘q.
Izoh (0)