Argentinalik Edgardo Ovyedo o‘z turmush o‘rtog‘i va o‘g‘lini bir necha yil davomida tutqunlikda saqlagani ma’lum bo‘ldi. “Korrespondent.net” xabariga ko‘ra, 66 yoshli erkakka nisbatan 5-sentabr, shanba kuni ayblov e’lon qilingan.
Ovyedoning uyi tintuv qilinganida, temir eshikli va ichida itlar ovqatini solish uchun mo‘ljallangan idishlar bo‘lgan, alohida ajratilgan xona topilgan. Tergov ma’lumotlariga ko‘ra, erkak bu xonada olti yil davomida xotini va voyaga yetgan o‘g‘lini saqlagan.
Mar-del-Plata kurort shahri ma’muriyati vakillarining ma’lum qilishicha, Ovyedoning xotini ruhan nosog‘lom, 32 yoshli o‘g‘li esa gapirish qobiliyatiga ega emas.
Izoh (0)