Qutqaruvchilar Janubiy Koreya sohillari yaqinida cho‘kib ketgan baliqchilik kemasining yana ikki a’zosi jasadini topdi. Shunday qilib, “TASS” xabariga ko‘ra, qurbonlarning umumiy soni 10 kishiga yetdi, bir necha kishi bedarak yo‘qolgan deb gumon qilinmoqda.
Ag‘darilgan kema tongda Chujado oroli yaqinidan topildi. Sohil qo‘riqlash xizmatining aniqlashtirilgan ma’lumotlariga ko‘ra, kema bortida 13 nafardan 22 nafargacha odam bo‘lgan bo‘lishi mumkin. Qutqaruvchilar uch kishini qutqarib qolgan, ular kasalxonaga yotqizilgan.
Omon qolganlarning so‘zlariga ko‘ra, hodisa vaqtida kuchli zarba ovozi eshitilgan, kema dvigateli o‘chib qolgan, ichiga esa suv kirishni boshlagan. Shundan so‘ng, kema kapitani hamma suvga sakrashni buyurgan, oradan biroz vaqt o‘tib kuchli to‘lqinlar kemani ag‘darib tashlagan.
Janubiy Koreya dengizchilik va baliq xo‘jaligi vazirligi mazkur hodisa munosabati bilan Sejon shahrida inqiroz shtabini tashkil etgan. Hozirgi vaqtda halokat joyida qidiruv-qutqaruv operatsiyasi davom etmoqda, unga sohil qo‘riqlash xizmatining o‘nlab katerlari, harbiy-dengiz kuchlari kemalari jalb etilgan.
Izoh (0)