Tojikiston mudofaa vazirining sobiq o‘rinbosari, general-mayor Abduhalim Nazarzodaning ukasi Mirzohayot Nazarov hukumat kuchlariga taslim bo‘ldi. Bu haqda “Kommersant.ru” xabar bermoqda.
“1972-yilda tug‘ilgan Mirzohayot Nazarov dastlab Abduhalim Nazarzoda tashkil etgan to‘daga a’zo bo‘lgan bo‘lsa-da, kuni kecha guruhni tark etib, hukumatga taslim bo‘ldi”, — deydi Tojikiston Ichki ishlar vazirligi matbuot markazi vakili.
Qayd etishlaricha, Abduhalim Nazarzodaning ukasi nima sababdan hukumatga taslim bo‘lish haqidagi qaror qabul qilgani hozircha noma’lum.
Eslatib o‘tamiz, 4-sentabr kuni Tojikistonning Vahdat shahridagi ichki ishlar bo‘limi binosi va Dushanbedagi Mudofaa vazirligi markaziy apparatiga qurolli hujum uyushtirilgan, oqibatda 9 nafar huquq-tartibot posboni halok bo‘lgandi.
Izoh (0)