Греция, АҚШ элчихонасининг талабига қарамай, Сурияга гуманитар ёрдам юкларини етказиб бераётган Россия самолётлари учун Афина ҳаво кенгликлари (FIR Athens)ни ёпишдан бош тортди. Бу ҳақда «RBK» хабар бермоқда.
Маълум бўлишича, куни кеча АҚШ элчихонаси Греция ҳукуматига мурожаат қилиб, Россия самолётларининг FIR Athens орқали учиб ўтишини тақиқлашни сўраган. Бироқ, манбанинг маълум қилишича, Греция ҳукумати Россия билан алоқаларни ёмонлаштирмаслик учун, мазкур илтимосга рад жавобини берган.
Манбанинг айтишича, расмий Москва Сурияга гуманитар ёрдам юкларини етказиб беришда Афина ҳаво кенгликларидан 1—24 сентябрь кунлари давомида фойдаланиш учун Греция ҳукуматидан рухсат олган, бироқ бу ахборот расман тасдиқлангани йўқ.
Изоҳ (0)